'நலம் காக்கும் ஸ்டாலின்' திட்டம் இன்று தொடக்கம்

வாட்ஸ்ஆப் செயலியில் மருத்துவப் பரிசோதனை முடிவுகள்

- 

சென்னை, ஆக. 1: தமிழகம் முழுவதும் பொதுமக்களுக்கு உயர் மருத்துவப் பரிசோதனைகளை வழங்கும் 'நலம் காக்கும் ஸ்டாலின்' திட்டத்தை சென்னை சாந்தோமில் உள்ள செயின்ட் பீட்ஸ் ஆங்கிலோ இந்தியன் மேல்நிலைப் பள்ளியில் முதல்வர் மு.க.ஸ்டாலின் சனிக்கிழமை (ஆக. 2) தொடங்கி வைக்கவுள்ளார்.

இதனிடையே, இந்தத் திட்டம் குறித்து தலைமைச் செயலகத்தில் வெள்ளிக்கிழமை விளக்கமளித்த மக்கள் நல்வாழ்வுத் துறை தொடர்பு அதிகாரியும், மின்வாரியத் தலைவருமான டாக்டர் ஜெ. ராதாகிருஷ்ணன், மக்கள் நல்வாழ்வுத் துறை செயலர் ப.செந்தில்குமார் ஆகியோர், பொது மக்களுக்கு மேற்கொள்ளப்படும் மருத்துவப் பரிசோதனைகளின் முடிவுகளை வாட்ஸ்ஆப் செயலியில் அறிந்து கொள்ளலாம் எனத் தெரிவித்தனர்.