வங்கிச் சட்டத் திருத்த மசோதா நாடாளுமன்றத்தில் நிறைவேற்றம்: 4 பேரை 'நாமினி'யாக நியமிக்கலாம்

2024-ஆம் ஆண்டு வங்கிச் சட்டங்கள் (திருத்த) மசோதா நாடாளுமன்றத்தில் புதன்கிழமை நிறைவேற்றப்பட்டது.

- 

புது தில்லி, மார்ச் 26:

குடியரசுத் தலைவரின் ஒப்புதலைப் பெற்ற பிறகு மசோதா நடைமுறைக்கு வரும் சூழலில், வங்கியில் கணக்கு வைத்திருப்பவர்கள் தங்களின் வங்கிக் கணக்குகளுக்கு வாரிசுதாரர்களாக (நாமினி) 4 பேர் வரை நியமிக்க அனுமதிக்கப்படும்.

மக்களவையில் கடந்த ஆண்டு டிசம்பரில் நடைபெற்ற குளிர்கால கூட்டத்தொடரில் ஏற்கனவே நிறைவேற்றப்பட்ட இந்த சட்டத் திருத்த மசோதா, மாநிலங்களவையிலும் குரல் வாக்கெடுப்பு மூலம் புதன்கிழமை நிறைவேறியது.