வேலைவாய்ப்புகளில் பெண்களின் பங்களிப்பை அதிகரிக்க வேண்டும்

'உலகின் மூன்றாவது பெரிய பொருளாதார நாடாக மாறுவதை நோக்கி தேசம் முன்னேறிவருவதால், நாட்டின் வேலைவாய்ப்புகளில் பெண்களின் பங்களிப்பை அதிகரிக்க வேண்டிய தன் அவசியமுள்ளது' என்று குடியரசுத் தலைவர் திரௌபதி முர்மு சனிக்கிழமை வலியுறுத்தினார்.

- 

புது தில்லி, மார்ச் 8:

சர்வதேச மகளிர் தினத்தையொட்டி மத்திய பெண்கள் மற்றும் குழந்தைகள் நல மேம்பாட்டு அமைச்சகத்தால் ஏற்பாடு செய்யப்பட்ட தேசிய ஆலோசனைக் கூட்டத்தில் கலந்து கொண்டு பேசிய குடியரசுத் தலைவர், 'இந்த இலக்கை அடைவதற்கு கல்வி, வேலைவாய்ப்பில் சம வாய்ப்புகளை வழங்குவது மிக முக்கியம்' என்றும் குறிப்பிட்டார்.

நிகழ்ச்சியில் அவர் மேலும் பேசியதாவது:வளர்ந்த இந்தியா இலக்கு என்பது நம் அனைவரின் விருப்பமாகும். அதை அடைய நாம் ஒன்றிணைந்து செயல்பட வேண்டும். வளர்ந்த இந்தியாவைக் கட்டியெழுப்ப தற்சார்பு, சுதந்திரமான மற்றும் அதிகாரம் பெற்ற பெண்களின் பங்கு மிகவும் முக்கியம். தற்சார்பு மற்றும் வெற்றியை நோக்கிய ஒவ்வொரு அடியிலும் பெண்களை அனைவரும் ஆதரிக்க வேண்டும்.