தவறான தகவல் அளிப்பு: தேசிய மயமாக்கப்பட்ட வங்கி ரூ. 3 லட்சம் இழப்பீடு வழங்க உத்தரவு

சிபில் நிறுவனத்துக்கு தவறான தகவலை அளித்து தனியார் வங்கியில் கடன் வாங்க முடியாதபடி மன உளைச்சலை ஏற்படுத்தியதற்காக மனுதாரருக்கு ரூ. 3 லட்சம் இழப்பீடாக தேசிய மயமாக்கப்பட்ட வங்கி வழங்க வேண்டும் என திருவாரூர் மாவட்ட நுகர்வோர் குறைதீர் ஆணையம் செவ்வாய்க்கிழமை உத்தரவிட்டது.

- 

திருவாரூர், ஏப். 29:

திருவாரூர் மாவட்டம், மன்னார்குடியைச் சேர்ந்தவர் நாராயணன் (46). ஆட்டோ ஓட்டுநரான இவர், மன்னார்குடி காந்தி சாலையில் உள்ள தேசிய மயமாக்கப்பட்ட (இந்தியன் வங்கி) வங்கி கிளையில் கடந்த 2001 முதல் சேமிப்புக் கணக்கு வைத்துள்ளார். இதனிடையே, 2024-இல் இவர் தனியார் வங்கியில் புதிய ஆட்டோ வாங்க ரூ. 3 லட்சம் கடன் கேட்டு அணுகியபோது, சிபில் ஸ்கோர் குறைவாக இருப்பதாகத் தெரிவிக்கப்பட்டது.