அகமதாபாத்தில் 2030 காமன்வெல்த் போட்டிகள்

அதிகாரபூர்வமாக அறிவிப்பு

- 

2030-ஆம் ஆண்டு காமன்வெல்த் விளையாட்டுப் போட்டிகள் குஜராத் மாநிலம், அகமதாபாதில் நடைபெறும் என அதிகாரபூர்வமாக புதன்கிழமை அறிவிக்கப்பட்டது.

அந்தப் போட்டிகள் இந்தியாவில் நடைபெற இருப்பது இது 2-ஆவது முறையாகும். இதற்கு முன் 2010-இல் தில்லியில் அவை நடைபெற்றது.

2036-ஆம் ஆண்டு ஒலிம்பிக் போட்டியை நடத்துவதற்கான வாய்ப்பைப் பெறுவதற்கு இந்தியா திட்டமிட்டு வரும் நிலையில், அந்த இலக்குக்கான தயார்நிலைக் களமாக இந்த காமன்வெல்த் போட்டிகள் அமையும் என எதிர்பார்க்கப்படுகிறது.

2030 காமன்வெல்த் போட்டிகளை நடத்துவதற்காக விருப்பம் தெரிவித்தும், அதற்கான இடமாக அகமதாபாதை பரிந்துரைத்தும் காமன்வெல்த் சம்மேளனத்திடம் இந்தியா விருப்பக் கடிதம் அளித்திருந்தது.