விமானங்களில் இருமுடியை தங்களுடன் எடுத்துச் செல்ல பக்தர்களுக்கு அனுமதி

அமைச்சர் ராம் மோகன் நாயுடு

- 

விமானங்களில் இருமுடியை தங்களுடன் எடுத்துச்செல்ல ஐயப்ப பக்தர்களுக்கு அனுமதி அளிக்கப்பட்டுள்ளதாக மத்திய விமானப் போக்குவரத்துத் துறை அமைச்சர் கே. ராம் மோகன் நாயுடு வெள்ளிக்கிழமை தெரிவித்தார்.

சபரிமலையில் மண்டல பூஜை காலம் தொடங்கி நடைபெற்று வருகிறது. உள்நாடு மற்றும் வெளிநாடுகளில் இருந்து ஏராளமான பக்தர்கள், ஐயப்பன் கோயிலில் சுவாமி தரிசனம் மேற்கொண்டு வருகின்றனர். இந்தச் சூழலில், சபரிமலைக்கு செல்ல விமானங்களில் பயணிக்கும் ஐயப்ப பக்தர்கள், இருமுடியை தனியாக எடுத்துவரப்படும் உடைமையாக (செக்-இன் பேக்கேஜ்) அல்லாமல், தங்களுடனே வைத்திருக்கும் (கேபின் லக்கேஜ்) உடைமையாக கொண்டுசெல்ல அனுமதி அளிக்கப்பட்டுள்ளது.