ரூ.11 லட்சம் டெபாசிட் பணம் கிடைக்காத விரக்தி: கூட்டுறவு வங்கி முன் விவசாயி தூக்கிட்டுத் தற்கொலை

மகாராஷ்டிர மாநிலத்தில் கூட்டுறவு வங்கியில் டெபாசிட் செய்த ரூ.11.50 லட்சம் திரும்பக் கிடைக்காததால் விவசாயி ஒருவர் அந்த வங்கி முன்பு தூக்கிட்டுத் தற்கொலை செய்து கொண்டார்.

- 

சத்ரபதி சம்பாஜி நகர், ஜூன் 18: இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

பீட் மாவட்டத்தைச் சேர்ந்தவர் சுரேஷ் ஜாதவ் (46). விவசாயியான இவர் கடந்த 2020-ஆம் ஆண்டு அங்குள்ள கூட்டுறவு வங்கி ஒன்றில் ரூ.11.50 லட்சத்தை நிரந்தர வைப்பாக செலுத்தினார். இரண்டு ஆண்டுகளுக்கு முன்பு தனது இரு பிள்ளைகளின் படிப்புச் செலவுக்காக அந்தப் பணத்தை எடுப்பதற்காகச் சென்றார். கூட்டுறவு வங்கியின் நிதிநிலை மோசமாகிவிட்டதால் பணத்தைத் திரும்பத் தர முடியவில்லை.