அமெரிக்காவில் ஹிந்து கோயில் அவமதிப்பு

இந்தியா கடும் கண்டனம்

- 

நியூயார்க், புது தில்லி, மார்ச் 9: அமெரிக்காவின் கலிஃபோர்னியா மாகாணத்தில் உள்ள பிரபலமான ஹிந்து கோயிலின் மதில் சுவரில் இந்தியாவுக்கு எதிரான வாசகங்களை சமூக விரோதிகள் எழுதியுள்ளனர்.

அமெரிக்காவில் கடந்த சில ஆண்டுகளில் பல்வேறு ஹிந்து கோயில்கள் இதுபோல் அவமதிக்கப்பட்ட நிலையில், தற்போதைய சம்பவத்துக்கு இந்திய வெளியுறவுத் துறை கடும் கண்டனம் தெரிவித்துள்ளது.

கலிஃபோர்னியா மாகாணத்தின் சினோ ஹில்ஸ் நகரில் 'போச்சாசன்வாசி அக்ஷர் புருஷோத்தம் சுவாமி நாராயண் சம்ஸ்தா' (பிஏபிஎஸ்) அமைப்பின் ஸ்ரீசுவாமி நாராயண் கோயில் அமைந்துள்ளது. இக்கோயிலின் மதில் சுவரில் இந்தியாவுக்கு எதிரான வாசகங்களை அடையாளம் தெரியாத சிலர் சனிக்கிழமை எழுதியுள்ளனர்.