'ஆபரேஷன் சிந்தூர்' வழக்கமான நடவடிக்கையல்ல

'ஆபரேஷன் சிந்தூர் வழக்கமான நடவடிக்கையல்ல' என இந்திய ராணுவ தலைமைத் தளபதி உபேந்திர துவிவேதி தெரிவித்தார்.

- 

புது தில்லி, ஆக.10:

மேலும், இந்த நடவடிக்கையின் போது சதுரங்க விளையாட்டைப் போல் எதிரியின் அடுத்தகட்ட நகர்வு கணிக்க முடியாத வகையில் இருந்ததாகவும் அவர் தெரிவித்தார்.

சென்னை ஐஐடியில் கடந்த ஆக.4-ஆம் தேதி நடைபெற்ற நிகழ்ச்சியில் பங்கேற்று உபேந்திர துவிவேதி உரையாற்றினார். அவர் உரையாற்றிய காணொலியை இந்திய ராணுவம் ஞாயிற்றுக்கிழமை வெளியிட்டது.

நிகழ்ச்சியில் உபேந்திர துவிவேதி பேசியதாவது: நம்மிடம் இருக்கும் அனைத்து ஆயுதங்களையும் கொண்டு எதிரி மீது தாக்குதல் நடத்தி முழுமையாக வெற்றி பெறுவதே வழக்கமாகப் பின்பற்றப்படும் ராணுவ நடவடிக்கை. ஆனால் ஆபரேஷன் சிந்தூர் அதுபோன்ற நடவடிக்கையல்ல.

சதுரங்க விளையாட்டைப் போல் எதிரியின் அடுத்தகட்ட நகர்வை கணிக்க முடியாத போதிலும் பதிலடி நடவடிக்கையை திறம்பட மேற்கொள்ள வேண்டிய நிலை ஏற்பட்டது.