இணையத் தொடர் தணிக்கை வாரியம் கோரி வழக்கு: மத்திய தொலைத் தொடர்பு ஆணையம் பதிலளிக்க உத்தரவு

இணையத் தொடர்கள் (வெப்சீரிஸ்), விளம்பரங்களை முறைப்படுத்த இணையத் தணிக்கை வாரியம் அமைக்கக் கோரிய வழக்கில், மத்திய தொலைத் தொடர்பு ஒழுங்குமுறை ஆணையம் பதில் அளிக்க சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, மார்ச் 3:

மதுரையைச் சேர்ந்த ரமேஷ் தாக்கல் செய்த பொதுநல மனு: இணைய வழியில் ஒளிபரப்பாகும் தொடர்கள் எந்தவிதமான தணிக்கைக்கும் உள்படுத்தப்படுவதில்லை.

முறை தவறிய உறவுகள், பிறருக்குக் கெடுதல் செய்வது, தனக்கு வேண்டியதை அடைய எதை வேண்டுமானாலும் செய்வது போன்ற ஒழுக்கக்கேடான காட்சிகள் இந்தத் தொடர்களில் இடம்பெறுகின்றன.