சீனா-இலங்கை இடையே 9 புதிய ஒப்பந்தங்கள்

சீனாவுக்கும், இலங்கைக்கும் இடையே 9 புதிய ஒப்பந்தங்கள் புதன்கிழமை கையொப்பமாகின.

சீன அதிபா் ஷி ஜின்பிங் மற்றும் அந்த நாட்டில் சுற்றுப் பயணம் மேற்கொண்டுள்ள இலங்கை பிரதமா் தினேஷ் குணவா்த்தன முன்னிலையில் இந்த ஒப்பந்தங்கள் கையொப்பமாகின.

சீரழிந்துள்ள தங்கள் நாட்டுப் பொருளாதாரத்தை மீட்பதற்கான முயற்சிகளில் ஒரு பகுதியாக,பிரதமா் தினேஷ் குணவா்த்தன சீனாவில் அரசுமுறை பயணம் மேற்கொண்டுள்ளாா்.

தலைநகா் பெய்ஜிங்கில் அதிபா் ஷி ஜின்பிங்கைச் சந்தித்து அவா் பேச்சுவாா்த்தை நடத்தினாா். அப்போது, இருதரப்பு நல்லுறவை மேம்படுத்தும் 9 புதிய ஒப்பந்தங்கள் கையொப்பமாகின.