தமிழகம் முழுவதும் சீரான தொழில் வளர்ச்சி

முதல்வர் மு.க.ஸ்டாலின் உறுதி

- 

தமிழ்நாடு முழுவதும் சீரான தொழில் வளர்ச்சியே மாநில அரசின் லட்சியம் என்று முதல்வர் மு.க.ஸ்டாலின் தெரிவித்தார்.

தமிழகத்தில் திமுக ஆட்சிப் பொறுப்பேற்ற பிறகு முதல் முறையாக முதலீட்டாளர்கள் உலக மாநாடு சென்னையில் ஞாயிற்றுக்கிழமை தொடங்கியது. விழாவில், முதல்வர் மு.க.ஸ்டாலின், மத்திய வர்த்தகம் மற்றும் தொழில் துறை அமைச்சர் பியூஷ் கோயல் மற்றும் பெருநிறுவனங்களைச் சேர்ந்த தலைவர்கள், நிறுவனர்கள் பங்கேற்றனர்.

மாநாட்டைத் தொடங்கி வைத்து முதல்வர் ஸ்டாலின் பேசியதாவது: உலக முதலீட்டாளர்கள் மாநாட்டில் அமெரிக்கா, பிரிட்டன், சிங்கப்பூர், ஜப்பான், தென்கொரியா, பிரான்ஸ், ஆஸ்திரேலியா, ஜெர்மனி, டென்மார்க் ஆகிய 9 நாடுகள் பங்குதாரர் நாடுகளாக இணைந்துள்ளன. மேற்கு ஆஸ்திரேலியா, தைவான் நாடுகளின் பொருளாதார, கலாசார நிறுவனங்களும் எங்களுடன் இணைந்து செயல்பட்டுள்ளன.

பொருளாதார வளர்ச்சியில் அதிவிரைவுப் பாதையில் பயணித்து வரும் தமிழ்நாடு, கூடுதல் முதலீடுகளை ஈர்ப்பதன் மூலம் மேலும் தொழில் வளர்ச்சி பெறும். முன்னணி முதலீட்டாளர்கள், வணிக அமைப்புகள், நிதி நிறுவனங்கள் உள்ளிட்ட பல்வேறு தரப்பினருக்கும் இந்த மாநாடு பயனுள்ளதாக இருக்கும்.

மாநாட்டின் கருப்பொருள்: இந்த மாநாட்டின் கருப்பொருள்களாக தலைமைத்துவம், நீடித்த நிலைத் தன்மை, அனைவரையும் உள்ளடக் கிய வளர்ச்சி ஆகிய மூன்று முக்கிய அம்சங்கள் உள்ளன.

கடந்த இரண்டரை ஆண்டுகளாக, முதலீட்டாளர்களின் முதல் முகவரி தமிழ்நாடுதான் என்று நமது மாநிலம் அங்கீகாரம் பெற்றிருக்கிறது. 2030-ஆம் ஆண்டுக்குள் தமிழ்நாட்டின் பொருளாதா ரத்தை ஒரு டிரில்லியன் அமெரிக்க டாலர் அளவுக்கு உயர்த்த வேண்டுமென்று லட்சிய இலக்கை நிர்ணயித்துள்ளேன்.

உயர் தொழில்நுட்பம் சார்ந்த தொழில் முதலீடுகளை ஈர்ப்பது, வேலைவாய்ப்பு மிகுந்தகளை ஈர்ப்பது என அணுகுமுறையை மேற்கொண்டு வருகிறோம்.

முதலீடு இருமுனை சட்டம்-ஒழுங்கு நிலைமை: ஒரு மாநிலத்தில் தொழில் முதலீடுகள் மேற்கொள்ள வேண்டும் என்றால், அந்த மாநிலத்தின் ஆட்சி மீது நல்லெண்ணம் இருக்க வேண்டும்.