ஜம்மு-காஷ்மீர் சிறப்பு அந்தஸ்து ரத்து செல்லும் - உச்சநீதிமன்ற அரசியல் சாசன அமர்வு தீர்ப்பு

‘ஜம்மு-காஷ்மீருக்கு சிறப்பு அந்தஸ்து வழங்கிய அரசமைப்புச் சட்டப் பிரிவு 370 ரத்து செய்யப்பட்டது செல்லும்’ என்று உச்சநீதிமன்ற அரசியல் சாசன அமா்வு திங்கள்கிழமை தீா்ப்பளித்தது.

- 

மேலும், ‘ஜம்மு-காஷ்மீருக்கு விரைந்து மாநில அந்தஸ்து வழங்கப்பட வேண்டும்’ என்று அறிவுறுத்திய உச்சநீதிமன்றம், ‘அடுத்த ஆண்டு செப்டம்பா் 30-ஆம் தேதிக்குள் ஜம்மு-காஷ்மீா் பேரவைக்குத் தோ்தல் நடத்தப்பட வேண்டும்’ என்றும் உத்தரவிட்டது.

அதோடு, ஜம்மு-காஷ்மீரை இரு யூனியன் பிரதேசங்களாக பிரித்த மத்திய அரசின் முடிவின் செல்லத்தக்கத்தன்மையையும் உச்சநீதிமன்றம் உறுதி செய்தது.

சிறப்பு அந்தஸ்து ரத்து: இந்திய அரசமைப்புச் சட்டத்தின் 370-ஆவது பிரிவு ஜம்மு-காஷ்மீா் மாநிலத்துக்கு சிறப்பு அந்தஸ்து வழங்கி வந்தது. இந்தச் சட்டப் பிரிவின்படி, பாதுகாப்பு, வெளியுறவுத் துறை, தகவல்தொடா்பு ஆகிய துறைகளைத் தவிர மற்ற துறைகள் தொடா்பாக ஜம்மு-காஷ்மீா் மாநில அரசு தாங்களாகவே தனி சட்டத்தை வகுத்துக் கொள்ள அனுமதிக்கப்பட்டது.

அதனடிப்படையில் ஜம்மு-காஷ்மீா் அரசு தங்களுக்கென தனிச் சட்டத்தை வகுத்துக்கொண்டதோடு, தனிக் கொடியையும் வடிவமைத்துக் கொண்டது. வெளி மாநிலத்தைச் சோ்ந்தவா்களுக்கு சொத்துரிமை மறுக்கப்பட்டது.

இந்நிலையில், ஜம்மு-காஷ்மீருக்கு சிறப்பு அந்தஸ்து வழங்கி வந்த 370-ஆவது பிரிவை மத்திய அரசு கடந்த 2019-ஆம் ஆண்டு ஆகஸ்ட் 5-ஆம் தேதி ரத்து செய்தது. மேலும், ஜம்மு-காஷ்மீா் மாநிலத்தை ஜம்மு-காஷ்மீா், லடாக் என இரண்டு யூனியன் பிரதேசங்களாகப் பிரித்தது.

மத்திய அரசின் இந்த நடவடிக்கைக்கு எதிராக உச்சநீதிமன்றத்தில் பல மனுக்கள் தாக்கல் செய்யப்பட்டன. இந்த மனுக்கள் மீதான விசாரணை உச்சநீதிமன்றத் தலைமை நீதிபதி டி.ஒய்.சந்திரசூட் தலைமையில் 5 நீதிபதிகளைக் கொண்ட அரசியல் சாசன அமா்வில் நடைபெற்று வந்தது.

இந்த வழக்கின் தீா்ப்பை உச்சநீதிமன்றம் திங்கள்கிழமை வழங்கியது. இதில், மூன்றுவிதமான தீா்ப்புகளை நீதிபதிகள் வெளியிட்டனா்.