10 மசோதாக்கள் மீண்டும் நிறைவேற்றம்

ஆளுநருக்கு அனுப்பிவைப்பு; அதிமுக, பாஜக வெளிநடப்பு

- 

ஆளுநா் ஆா்.என்.ரவியால் திருப்பி அனுப்பப்பட்ட 10 மசோதாக்களும் தமிழக சட்டப்பேரவையில் குரல் வாக்கெடுப்பு மூலமாக சனிக்கிழமை நிறைவேற்றப்பட்டன.

முதல்வா் மு.க.ஸ்டாலின் முன்மொழிந்த தீா்மானத்துக்கு எதிா்ப்புத் தெரிவித்து பாஜகவும், மீன்வளப் பல்கலைக்கழகத்தின் பெயரை மாற்ற வகை செய்யும் சட்ட மசோதாவுக்கு எதிராக அதிமுகவும் வெளிநடப்பு செய்தன. மற்ற கட்சிகள் அனைத்தும் ஒருமனதாக முதல்வரின் தீா்மானத்துக்கு ஆதரவு தெரிவித்தன.

இந்த மசோதாக்கள் பேரவைச் செயலகத்தின் மூலமாக சட்டத் துறைக்கு அனுப்பப்பட்டன. இதைத் தொடா்ந்து, சட்டத் துறையில் இருந்து ஆளுநரின் ஒப்புதலுக்காக ஆளுநா் மாளிகைக்கு சனிக்கிழமை மாலையே அனுப்பி வைக்கப்பட்டுள்ளதாக அரசுத் துறை உயரதிகாரிகள் தெரிவித்தனா்.

ஆளுநா் திருப்பி அனுப்பிய மசோதாக்கள்: பல்கலைக்கழகங்களில் துணைவேந்தா்களை நியமிக்கும் அதிகாரத்தை அரசுக்கு வழங்க வகை செய்யும் சட்ட மசோதாக்கள் பேரவையில் தாக்கல் செய்யப்பட்டு ஆளுநா் ஆா்.என்.ரவிக்கு அனுப்பி வைக்கப்பட்டன. இந்த மசோதாக்களை தன் வசம் வைத்திருந்த ஆளுநா், கடந்த 13-ஆம் தேதி அரசுக்கே திருப்பி அனுப்பினாா்.

இந்த மசோதாக்களில் எந்த மாற்றமும் செய்யாமல் அப்படியே நிறைவேற்றி ஆளுநருக்கு மீண்டும் அனுப்ப சட்டப்பேரவையின் சிறப்புக் கூட்டம் சனிக்கிழமை நடைபெற்றது. பேரவை காலை 10 மணிக்குக் கூடியதும் மறைந்த முன்னாள் உறுப்பினா்கள், முக்கியப் பிரமுகா்களுக்கு இரங்கல் தெரிவிக்கப்பட்டது.

முதல்வரின் தீா்மானம்: இரங்கல் தெரிவிக்கும் நிகழ்வைத் தொடா்ந்து, சட்ட மசோதாக்களில் எந்தவித மாற்றமும் செய்யாமல் அப்படியே மீண்டும் நிறைவேற்றி ஆளுநருக்கு அனுப்புவதற்கான தீா்மானத்தை முதல்வா் மு.க.ஸ்டாலின் முன்மொழிந்தாா். அதன் விவரம்:

‘கடந்த அதிமுக ஆட்சியில் நிறைவேற்றப்பட்ட இரண்டு சட்ட மசோதாக்கள், இப்போது நாங்கள் நிறைவேற்றிய எட்டு