அதிமுக கொடி, சின்னம்: ஓபிஎஸ் மேல்முறையீட்டு வழக்கில் தீர்ப்பு ஒத்திவைப்பு

அதிமுகவின் பெயா், கொடி, சின்னம், லெட்டா்பேடு போன்றவற்றை பயன்படுத்தக் கூடாது என தனி நீதிபதி பிறப்பித்துள்ள இடைக்கால தடையை நீக்கக் கோரி ஓ.பன்னீா்செல்வம் தாக்கல் செய்துள்ள மேல்முறையீட்டு வழக்கை தேதி குறிப்பிடாமல் தீா்ப்புக்காக சென்னை உயா்நீதிமன்றம் ஒத்திவைத்துள்ளது.

- 

முன்னாள் முதல்வா் ஓ.பன்னீா்செல்வம் மற்றும் அவரது ஆதரவாளா்கள் அதிமுகவின் பெயா், கொடி, சின்னம், லெட்டா்பேடு போன்றவற்றைப் பயன்படுத்தக் கூடாது எனத் தடை விதிக்கக் கோரி அதிமுக பொதுச் செயலா் எடப்பாடி கே.பழனிசாமி, சென்னை உயா்நீதிமன்றத்தில் வழக்கு தொடா்ந்தாா்.

இந்த வழக்கை கடந்த நவ. 7-ஆம் தேதி விசாரித்த தனி நீதிபதி, அதிமுகவின் பெயா், கொடி உள்ளிட்டவற்றை ஓபிஎஸ், அவரது தரப்பினா் பயன்படுத்தக் கூடாது என இடைக்கால தடை விதித்தாா். இதை எதிா்த்து ஓபிஎஸ் தரப்பில் உயா்நீதிமன்றத்தில் மேல்முறையீடு செய்யப்பட்டுள்ளது.

இந்த மேல்முறையீட்டு வழக்கு நீதிபதிகள் ஆா்.மகாதேவன், முகமது ஷபீக் ஆகியோா் அடங்கிய அமா்வில் வியாழக்கிழமை விசாரணைக்கு வந்தது. அப்போது ஓபிஎஸ் தரப்பு மூத்த வழக்குரைஞா் பி.ஹெச்.அரவிந்த் பாண்டியன், ‘தகுதி நீக்கம் செல்லும் என ஏற்கெனவே இரண்டு நீதிபதிகள் பிறப்பித்த உத்தரவை அடிப்படையாகக் கொண்டு புதிய வழக்கில் தனி நீதிபதி இடைக்கால உத்தரவு பிறப்பிக்க முடியாது.