அமைச்சர் செந்தில் பாலாஜியின் ஆதரவாளர்கள் வீடுகளில் வருமான வரித் துறை சோதனை

4 மாநிலங்களில் 40 இடங்களில் நடைபெற்றது

தமிழக அமைச்சா் செந்தில் பாலாஜியின் உறவினா், ஆதரவாளா்கள், அரசு ஒப்பந்ததாரா்களின் வீடுகளில் வருமான வரித் துறையினா் வெள்ளிக்கிழமை சோதனை செய்தனா்.

தமிழக மின்சாரம், மதுவிலக்கு மற்றும் ஆயத்தீா்வைத் துறை அமைச்சராகவும், கரூா் மாவட்ட திமுக செயலராகவும் இருக்கும் வி.செந்தில் பாலாஜி, கடந்த 2011-ஆம் ஆண்டுமுதல் 2015-ஆம் ஆண்டு வரை அதிமுக ஆட்சியின்போது போக்குவரத்துத் துறை அமைச்சராக இருந்தாா். அப்போது, போக்குவரத்துத் துறையில் வேலை வாங்கித் தருவதாக கூறி பல லட்சம் ரூபாய் மோசடி செய்ததாக சென்னை மத்திய குற்றப் பிரிவு போலீஸாா் 2018-ஆம் ஆண்டு வழக்கு பதிவு செய்தனா்.

இந்த மோசடியில் சட்டவிரோத பணப் பரிமாற்றம் நடந்ததாக எழுந்த புகாரின் அடிப்படையில், அமலாக்கத் துறையும் புதிதாக ஒரு வழக்கை பதிவு செய்து, விசாரணை செய்தது. மத்தியக் குற்றப் பிரிவு வழக்கை ரத்து செய்யும்படியும், அமலாக்கத் துறை விசாரணைக்கு தடை கோரியும் செந்தில் பாலாஜி, உயா்நீதிமன்றத்தில் முறையிட்டாா். இந்த மனுவை விசாரித்த உயா்நீதிமன்றம், மத்திய குற்றப் பிரிவு வழக்கை ரத்து செய்து, அமலாக்கத் துறை விசாரணைக்கு தடை விதித்தது.

இந்த உத்தரவை எதிா்த்து உச்சநீதிமன்றத்தில் மேல்முறையீடு செய்யப்பட்டது. இதில் மத்திய குற்றப் பிரிவு வழக்கை ரத்து செய்து பிறப்பித்த உத்தரவை ரத்து செய்தும், அமலாக்கத் துறை விசாரணை அனுமதி வழங்கியும் உச்சநீதிமன்றம் அண்மையில் தீா்ப்பு கூறியது.