బ్రాండెడ్ వద్దు..జనరిక్ ముద్దు..

డాక్టర్లు, ఫార్మసీలపై చట్ట ప్రకారం చర్యలు తీసుకోవాలంటున్న ప్రజానీకం

- 

బ్రాండెడ్ మ్యాజిక్ వెనుక దాగున్న మోసాలు! వైద్య లోకంలో సాగుతున్న మోసాలు నైతిక లోపాలు"

డాక్టర్లు మందులోని ప్రధాన రసాయన పదార్థం పేరును మాత్రమే రాయాలి, ఏ కంపెనీ తయారు చేసిందో చెప్పే బ్రాండెడ్ పేరును రాయకూడదు. ఉదాహరణకు, 'Paracetamol అని రాయాలి కానీ 'Dolo' లేదా 'Calpol' అని కాదు.

• ఔషధాల ధరలు సామాన్య ప్రజలకు భారంగా మారిన వైనం

• డాక్టర్లు స్వార్థ ప్రయోజనం కొరకు బ్రాండెడ్ మందుల సిఫారసు

• ఎంసీఐ నిబంధనలను ఉల్లంఘిస్తూ సిఫారసు చేస్తున్న వైద్యులు

• బ్రాండెడ్ కంపెనీ ప్రలోభాలకు లొంగిపోయిన కొంతమంది డాక్టర్లు

• జనరిక్ మందులపై ప్రజల్లో అనుమానాలు రేకెతిస్తున్న వైద్యులు

హైదరాబాద్ 25 జూలై (ఆదాబ్ హైదరాబాద్ : ఆరోగ్య సంరక్షణ రంగంలో పెరుగుతున్న ఖర్చులు, ముఖ్యంగా ఔషధాల ధరలు సామాన్య ప్రజలకు భారంగా మారిన నేపథ్యంలో, డాక్టర్లు, ఫార్మసీల మధ్య జరుగుతున్న అక్రమాలు, నైతిక లోపాలు ప్రజల నమ్మకాన్ని దెబ్బతీస్తున్నాయి. భారత వైద్య మండలి (ఎంసీఐ) నిబంధనలను ఉల్లంఘిస్తూ బ్రాండెడ్ మందులను సిఫారసు చేయడం, అధిక ధరలకు వాటిని విక్రయించడం వంటివి పేద, మధ్యతరగతి ప్రజల జీవితాలను అతలాకుతలం చేస్తున్నాయి.