ലോക കേരളയാത്ര

"ആദിപുരുഷ സിനിമ കാണാൻ തീയേറ്ററിലെത്തും എന്നു പറയപ്പെടുന്ന അവതാരപുരുഷൻ ആര്

- സുന്ദർജി

തളിർ വെറ്റിലയിൽ ചുണ്ണാമ്പ് തേച്ച് വാസനപ്പകയിലയും അടക്കാ നുറുക്കും കൂട്ടി നാടുവാഴി വായിലിട്ട് ഒന്നു ചവച്ചു. നീട്ടി മുറ്റത്തേക്കു തുപ്പി. ഉമ്മറത്ത് ചുവപ്പിന്റെ വാനവില്ലുകൾ വിരിഞ്ഞു.

ഹായ്

അപ്പോ കോശസ്ഥിതി മോശാന്നാ ഗോപാലൻ പറേണേ. അല്ലേ

അതേ തിരുമേനി! മഴ ചതിച്ചു.

ഇക്കൊല്ലം കൃഷി മോശായി. പാട്ടക്കുടിശിക പിരിഞ്ഞു കിട്ടാനുണ്ട്. തേങ്ങയൊക്കെ മോഷണം പോണൊണ്ട്. നിത്യനിദാന ച്ചെലവുകൾക്കു തന്നെ മുട്ടായിത്തുടങ്ങി..

ഉവ്വോ! എടോ! ബാലഗോപാല താനിതു കേൾക്ക ഈ സാമ്പത്തിക ബുദ്ധിമുട്ടു വരണ സമയത്ത് ചെലവു നടത്തുക എന്നത് ഒരു കലയാണോ ടോ! കല എന്തേ അറിയില്ലാന്നുണ്ടോ.മുണ്ടു മുറുക്കി ഉടുത്തോളാൻ പറയുക ജനത്തോട്.

നമ്മൾ മുണ്ടങ്ങടഴിച്ചും കളയുക.

അതിനിപ്പോ ജനമെല്ലാം പാന്റിലാ. ഇരുകാലികൾ.

എന്നാ ബെൽറ്റിട്ടോളാൻ പറയുക.

അതന്നേ. പണ്ടൊരു ഒരുമ്പെട്ടോൾ ബ്രെഡ് തിന്നാനില്ലെങ്കിൽ കേക്കു തിന്നോളിൻ എന്നു പറഞ്ഞു കേട്ടിട്ടില്ലേടോ.

ഏതായാലും നോമൊന്നു ബിലാത്തിയിൽ പോയി വരാം. ഇപ്പഴാ പറ്റിയ സമയം. പൊര കത്തുമ്പോ വേണം വാഴവെട്ടാൻ എന്നല്ലേ.

അതേ തിരുമേനി താടിക്കു തീ കത്തുമ്പോൾ വേണം ബീഡിക്കു തീ കൊളുത്താൻ എന്നും പറയാറുണ്ട്.

ഇവിടെ ഒരു പശ്ചാത്തലഗാനമാവാം അല്ലേ "തിമിരടിക്കണ കാലമായെടീ തീയാമ്മേ തീയാമ്മേ കാശിന്റെ ക്ഷാമം തീർന്നെടീ തീയാമ്മേ! തീയാമ്മേ! ലോക...