തിരശ്ശീലക്കു പിന്നിലെ പോരാട്ടവീര്യം

മാനഹാനി ഭയന്ന് സംഭവം മൂടിവെച്ചിട്ട്, നാളെ എന്റെ മകൾക്ക് ഇങ്ങനെ സംഭവിച്ചാൽ പരിതപിച്ചിട്ട് കാര്യമില്ലല്ലോ?" ഇത് പറയുമ്പോൾ കണ്ണുനീരല്ല, അതിജീവിച്ചവളുടെ ധീരതയായിരുന്നു ആ കണ്ണിൽ.

പൊതു ഇടത്തിൽ വന്ന് താൻ അനുഭവിച്ച യാ തനകൾ ഹർഷിനക്ക് പറയാൻ കഴിഞ്ഞെങ്കിൽ അതിനുപോലും പറ്റാത്ത അവസ്ഥയിലായിരുന്നു ഐ.സി.യുവിൽ പീഡനത്തിനിരയായ യുവതി. തൈറോയ്ഡ് ശസ്ത്രക്രിയ കഴിഞ്ഞ രോഗിയെ വാർഡിലേക്കു മാറ്റിയ അറ്റൻഡർ ക്രൂരമായ പീഡനത്തിനിരയാക്കി. അങ്ങേയറ്റത്തെ നിസ്സഹായാവസ്ഥയിൽ തന്നോട് പൈശാചികമായി പെരുമാറിയയാളോട് പൊറുക്കാൻ അവർ തയാറായിരുന്നില്ല.

“ഞാൻ ഒരു സ്ത്രീയാണ്. എനിക്ക് മാതാവുണ്ട്, സഹോദരിമാരുണ്ട്, ഒരു മകളുണ്ട്. ഞാൻ അനുഭവിച്ചത് ഇനി ഒരു സ്ത്രീക്കും അനുഭവിക്കേണ്ടി വരരുത്. ഈ പോരാട്ടത്തിന്റെ അന്ത്യം ഒരുപക്ഷേ പരാജയമായിരിക്കാം. അത് പ്രശ്നമല്ല. ഒരു ക്രൂരമായ അനീതിക്കെതിരെ തന്നാലാവുംവിധം പോരാടി എന്ന് എന്റെ മനസ്സിനെ തൃപ്തിപ്പെടുത്തണം. മാനഹാനി ഭയന്ന് സംഭവം മൂടിവെച്ചിട്ട്, നാളെ എന്റെ മകൾക്ക് ഇങ്ങനെ സംഭവിച്ചാൽ പരിതപിച്ചിട്ട് കാര്യമില്ലല്ലോ?" ഇത് പറയുമ്പോൾ കണ്ണുനീരല്ല, അതിജീവിച്ചവളുടെ ധീരതയായിരുന്നു ആ കണ്ണിൽ.

'ഇതൊക്കെ ഇത്ര വലിയ പ്രശ്നമാക്കണോ'

പോരാട്ടത്തിന്റെ വഴികളിൽ അധികാരകേന്ദ്രങ്ങളിൽ നിന്നുള്ള പ്രതികരണങ്ങൾ അത്യന്തം നിരാശജനകമാണ്. കാര്യങ്ങൾ അത്ര എളുപ്പമല്ല. ഇതൊക്കെക്കൊണ്ടാവാം ഇത്തരം സംഭവങ്ങൾ ഇരകൾ പുറത്തുപറയാനും പോരാടാനും മടിക്കുന്നത് -അതിജീവിത പറയുന്നു.