മെഡിക്കൽ ഓഫിസർ സംരംഭകയായി, നൽകുന്നത് 21 പേർക്ക് തൊഴിൽ രോഗികൾക്ക് നല്ല മരുന്ന്

റിട്ടയർ ചെയ്ത് രണ്ടു പതിറ്റാണ്ടിനു ശേഷവും ജീവിതം ആസ്വദിക്കാനും സമൂഹത്തിനായി നല്ല കാര്യങ്ങൾ ചെയ്യാൻ കഴിയുന്നതിന്റെയും സംതൃപ്തിയിലാണ് ഡോ. ലളിത.

- ടി.എസ്. ചന്ദ്രൻ മുൻ ഡപ്യൂട്ടി ഡയറക്ടർ, സംസ്ഥാന വ്യവസായ-വാണിജ്യ വകുപ്പ്

ജോലിയുമായി ബന്ധപ്പെട്ട് ആർജിച്ച അനുഭവസമ്പത്ത് ഉപയോഗിച്ച് ഒരു സംരംഭം തുടങ്ങണമെന്നതായിരുന്നു ഡോ. ടി.എം. ലളിതയുടെ സ്വപ്നം. അങ്ങനെയാണ് 2002ൽ ഡിഎംഒ (ജില്ലാ മെഡിക്കൽ ഓഫിസർ ആയുർവേദം) ആയിട്ടാണ് റിട്ടയർ ചെയ്തശേഷം വൈകാതെ ടൗണിൽ മുറിയെടുത്ത് ആയുർവേദ മരുന്നു ഷോപ്പ് തുടങ്ങിയത്. നല്ല ഔഷധങ്ങൾ കൃത്യമായി ലഭിക്കാൻ ബുദ്ധിമുട്ടായതോടെ അവ നിർമിക്കാനുള്ള ഫാക്ടറി തുടങ്ങാം എന്ന ചിന്തയായി.

രണ്ടു ലിറ്റർ എണ്ണയിൽ തുടക്കം

 രണ്ടു ലിറ്റർ എണ്ണ വീട്ടിൽ ഉൽപാദിപ്പിച്ചുകൊണ്ടാണ് നിർമാണത്തിലേക്കു കടന്നത്. പിന്നീട് വീടിന്റെ ടെറസ് ഉപയോഗപ്പെടുത്തി കുറച്ചു കൂടുതൽ ഉൽപാദിപ്പിച്ചു. ആവശ്യക്കാർ കൂടിയതോടെ 500 ചതുരശ്ര അടി വീട് വാടകയ്ക്കെടുത്തു സ്ഥാപനം വികസിപ്പിച്ചു. അങ്ങനെ ഘട്ടംഘട്ടമായിട്ടാണ് വളർന്നത്.

പിന്തുണയുമായി കുടുംബം