മികച്ച ചികിൽസ സൗജന്യനിരക്കിൽ, പരിമിതികൾ പലത്

ആരോഗ്യ സൂചികകളിലെല്ലാം കേരളം വലിയ നേട്ടം കൈവരിച്ചിട്ടുണ്ടെങ്കിലും അതു നിലനിർത്താൻ കാര്യക്ഷമമായ പ്രവർത്തനം അനിവാര്യമാണ്.

- ഡോ. അരുൺ ഉമ്മൻ സീനിയർ ന്യൂറോ സർജൻ

സൗജന്യമായി മികച്ച വൈദ്യപരിചരണം ലഭിക്കുക എന്നത് ഓരോ പൗരന്റെയും അവകാശമാണ്. ആരോഗ്യപരിരക്ഷയ്ക്കുള്ള അവകാശം ആർക്കും നിഷേധിക്കപ്പെടരുത്. സാമൂഹിക വികസനത്തിലെ നിർണായക മേഖലകളിലൊന്നാണ് ജനങ്ങളുടെ ആരോഗ്യനില മെച്ചപ്പെടുത്തൽ. ആരോഗ്യ സേവനങ്ങളുടെ ലഭ്യത ഉറപ്പാക്കിയാൽ മാത്രമേ ഇതു നേടാനാകൂ. പ്രത്യേകിച്ച് ദരിദ്ര വിഭാഗങ്ങൾക്ക് മറ്റു സംസ്ഥാനങ്ങളെ അപേക്ഷിച്ച് ആരോഗ്യമേഖലയിൽ കേരളം മികച്ച നിലവാരം കൈവരിച്ചിട്ടുണ്ട്. ഉയർന്ന സാക്ഷരത, സർക്കാർ സംവിധാനങ്ങൾ, സ്വകാര്യ മെഡിക്കൽ കെയർ സൗകര്യങ്ങളുടെ ലഭ്യത തുടങ്ങിയവ ഇതിൽ വലിയ പങ്കു വഹിച്ചിട്ടുണ്ട്. എന്നാലും എല്ലാ സ്ഥലങ്ങളിലേക്കും വിഭാഗങ്ങളിലേക്കും അത് എത്തിയിട്ടുണ്ടോ എന്നു ചോദിച്ചാൽ ഇല്ല എന്നാണ് ഉത്തരം.

നേരിടുന്ന പ്രശ്നങ്ങൾ

A. അടിസ്ഥാന സൗകര്യങ്ങളുടെ അഭാവം

കുറഞ്ഞ ചെലവിൽ ലോകോത്തര ചികിത്സാ സൗകര്യങ്ങൾ നൽകുന്നു എന്നതാണ് കേരളത്തിൽ മെഡിക്കൽ ടൂറിസം വളരാൻ കാരണം. എന്നാൽ ഈ സൗകര്യങ്ങൾ ഭൂരിഭാഗം ആശുപത്രികളിലും ഇല്ല. ഇപ്പോഴും ഒരു രോഗിയെ പാർപ്പിക്കാനും ആവശ്യമായ ചികിത്സ നൽകാനും സൗകര്യമില്ലാത്ത ആശുപത്രികൾ ഇവിടുണ്ട്. പ്രത്യേകിച്ച് ഉൾപ്രദേശങ്ങളിലും ഗ്രാമങ്ങളിലും ആശുപത്രികളുടെ അവസ്ഥ ശോചനീയമാണ്.

B. ആരോഗ്യ ഇൻഷുറൻസ് ഇല്ലാത്തവർ