ఆపదలో ఆదుకునేది ఆదా చేసిన ధనమే..!

విశ్వవ్యాప్తంగా శాస్త్రసాంకేతిక విప్లవంతో స్మార్ట్ ఫోన్లు, డిజిటల్ ఈ-వాణిజ్య విపరీత పోకడలు, ఆధునిక ఆకర్షనీయ వస్తు ఉత్పత్తి వ్యాపారాలు, ప్రజలను అబ్బురపరిచే టివీ మాద్యమ ప్రకటనల హెూరులు, నవ్యత పేరుతో నరుని నడవంత్రపు కోరికల గుర్రాల స్వైర విహారాల నడుమ కుటుంబ ఆదాయానికి, ఖర్చుకు మధ్య అనంత అగాధాలు ఏర్పడి, అప్పుల కుప్పలతో ఆర్థికంగా చితికిపోతున్న సంసారాలను మనం నిత్యం చూడవలసి రావడం బాధ కలిగిస్తున్నది

విశ్వవ్యాప్తంగా శాస్త్రసాంకేతిక విప్లవంతో స్మార్ట్ ఫోన్లు, డిజిటల్ ఈ-వాణిజ్య విపరీత పోకడలు, ఆధునిక ఆకర్షనీయ వస్తు ఉత్పత్తి వ్యాపారాలు, ప్రజలను అబ్బురపరిచే టివీ మాద్యమ ప్రకటనల హెూరులు, నవ్యత పేరుతో నరుని నడవంత్రపు కోరికల గుర్రాల స్వైర విహారాల నడుమ కుటుంబ ఆదాయానికి, ఖర్చుకు మధ్య అనంత అగాధాలు ఏర్పడి, అప్పుల కుప్పలతో ఆర్థికంగా చితికిపోతున్న సంసారాలను మనం నిత్యం చూడవలసి రావడం బాధ కలిగిస్తున్నది. నవీన నరుడు తక్షణ ఆనందం వేటలో భవిష్యత్తు అవసరాలను మరిచి పోతున్నాడు. పొదుపు చేస్తూ భవిష్యత్తును అదుపు చేసుకోవాలనే ఇంగిత జ్ఞానాన్ని మరిచిపోతున్నాడు. నేటి పొదుపే రేపటి ఆకస్మిక ఆపదలకు ఔషధమని కళ్ళు తెరవాల్సిన సమయమిది. డబ్బు ఎంత సంపాదంచాం అనేది ముఖ్యం కాదని, సంపాదనలో ఎంత పొదుపు చేయగలిగామనేదే ప్రధానమని అందరం గుర్తించాలి. కరోనా విజృంభన, లాక్ డౌన్లు, ఉద్యోగ ఉపాధి కుదింపులు, ఉక్రెయిన్పై రష్యా నరంకుశ దాడులతో పాటు రూపాయి విలువ పతనం కావడంతో కుటుంబ ఖర్చులు పెరిగిన చేదు అనుభవాలను చవిచూస్తున్న అకాలమిది. ఇప్పటి వరకు పొదుపు చేసిన డబ్బును కోవిడ్-19 మింగేసింది. పొదుపు చేయని సంసారాలు ఆకలి చావుల ముంగిట నిస్సహాయంగా నిలబడి ఉన్నారు. డబ్బు ఉన్న మనిషి చుట్టు పిలవకపోయినా పలువురు నడవంత్రపు నరులు మూగుతారు, చేతులు ఖాళీ కాగానే ఎక్కడి దొంగలు అక్కడే గప్చుప్ అవడం చూస్తేనే ఉన్నాం.