પુતિને સ્વયંનાં ભવિષ્ય અને આબરૂને દાવ પર મૂક્યા છે

યુદ્ધના પ્રારંભ સાથે જ રશિયાના શેર બજારમાં ૪૫ ટકાનું પ્રચંડ ગાબડું પડ્યું. તે ઘણા સંકેત આપે છે. પુતિન જ્યારે એક મિસાઇલ યુક્રેનની બહુમાળી ઇમારત પર દાગે છે ત્યારે પોતાના લોકોનું ખૂબ મોટું નુકસાન નોતરે છે. લગભગ અરધો અરધ શેર બજાર સાફ થઈ ગયું. તેમાં રશિયનોએ કેટલી મોટી મૂડી ગુમાવી હશે? કેટલાં રાતે પાણીએ રડીને રસ્તા પર આવી ગયા હશે? જોકે શેરબજારો માત્ર આજનું ચિત્ર રજૂ કરતા નથી. ભવિષ્યમાં થનારા નુકસાનનો ડર પણ રજૂ કરે છે.