નવા સીમાંકનથી બનીનું પર્યાવરણ અસંતુલિત થવાની ભીતિ

રક્ષિત જંગલ એવા બન્નીમાં થયેલાં ખેતીરૂપી દબાણો દૂર કરવા નેશનલ ગ્રીન ટ્રિબ્યુનલે દબાણોવાળી જગ્યાની હદ નક્કી કરવાનો આદેશ આપતા રાજ્ય સરકારે નવું સીમાંકન કર્યું છે. જેને મંજૂરી માટે ટ્રિબ્યુનલમાં રજૂ કરાયું છે. જોકે નવા સીમાંકનના કારણે બન્નીના મૂળ હદમાંની પાણીના કુદરતી વહેણની જમીનની કપાત થાય છે. કપાત થયેલી જમીન રક્ષિત વનના બદલે મહેસૂલ ખાતા હસ્તકની બની જશે. ભવિષ્યમાં આ જગ્યા પર ઉદ્યોગો આવશે તો વહેણમાં અવરોધ ઊભો થશે અને તેના પરિણામે ખારું પાણી બન્નીમાં ફેલાશે. જેથી જમીનની ખારાશ વધશે. તેથી અહીંના ઘાસની ગુણવત્તા ખરાબ થશે. તેની અસર તૃણાહારી, માંસાહારી પ્રાણીઓ અને પક્ષીઓ પર થશે.

- સુચિતા બોઘાણી કનર