Laatlos -OffTheGrid - Junie-Julie 2015

The emphasis of Laatlos/OffTheGrid magazine is to teach people to become more self-reliant by teaching the skills and sharing the information necessary to be less dependent on what “the system” can provide.

Waarom die Laatlos tydskrif? Daar is nie tans ’n ander tydskrif wat só doelgerig die baie uitdagings wat mense tans mee gekonfronteer aanspreek nie. As populêre alternatiewe energie en -lewenstyl tydskrif is Laatlos enig in sy soort in die Suid-Afrikaanse mark. Laatlos wil jou metgesel wees in die ontdekking van benaderings, planne en oplossings op die terreine van alternatiewe en volhoubare energie, konstruksie, veiligheid, selfversorgende voedselproduksie, opvoeding, entrepreneurskap, ekonomie, finansiële welvaart, innoverende tegnologie en oorlewingsvaardigheid. Eerstens deur te besin oor die manier waarop ons ons lewens inrig of wil inrig, sonder om meegesleur te word deur standpunte, insigte en modelle wat as die algemeen aanvaarde voorgehou word. In hierdie besinning loop tradisie en innovasie hand-aan-hand. Soms word nuwe denke vereis en soms weer is dit nodig om te delf in ons verlede en dit wat oor die geskiedenis heen reeds oor besin is, maar vergete geraak of deur die hoofstroom vermy is. Tweedens om ’n lewe te lééf gespeen van die sisteem! Om nie afhanklik te wees van en uitgelewer te wees aan die bestuur, beheer en manipulasie van mega-instellings soos regerings en groot monopolistiese verspreidingsnetwerke byvoorbeeld ’n elektrisiteitsvoorsieningskorporasie nie.