In this issue

Welkom by Suid-Afrika se eerste interaktiewe bruidstydskrif. Dit is soos niks wat jy al ooit gesien het nie!

Sien jy gereeld mooi idees, maar weet nie waar om dit in Suid-Afrika te kry nie? Dié interaktiewe toevoeging tot die Troukoors-reeks, sal jou hiermee help. Met die interaktiewe weergawe kan jy op baie van die items in die tydskrif klik en dit aanlyn koop. Dit is egter nie al wat ons uniek maak nie…

SELFDOEN-BLADSYE
Druk die handige hulpmiddels in ons Selfdoen-afdeling. Liaseer en gebruik dit dan gedurende die beplanningsproses. Daar is ’n begroting, tydlyn en tieklysies sodat jy van niks vergeet nie.

SELFDOEN-PROJEKTE
Spaar geld deur ’n paar van ons selfdoen-projekte vir jou huis en troue te probeer. Ons deel ook resepte wat gebruik kan word om snoeperye vir jou kombuistee of troue se nageregtafel te maak.

INTERAKTIEWE FOTOSESSIES
Hou jy van die dekor wat ons saam met die resepte afgeneem het? Nou kan jy dit koop! Klik eenvoudig daarop om dié mooi hartsgoed vir jou troue en nuwe nessie te bestel.

AANLYN-INKOPIES
Sien jy jou droomrok in die Mode-afdeling? Klik daarop om nog foto’s te sien, meer inligting te kry en die diensverskaffer direk te kontak. Is jy mal oor die ketel in die Huisdekor-afdeling? Klik dan daarop om joune te bestel.

INSPIRASIEBORDE
Ons help jou om die regte tema en kleurskema te kies met ons oulike Inspirasieborde – nes ’n regte een wat jy teen jou muur sou vassit, maar in jou sak (op jou slimfoon).

SLIMFOONVRIENDELIK
Die eerste ding wat jy gedoen het toe jy verloof geraak het, was om jou slimfoon te gebruik om idees te soek. Ons interaktiewe slim-tydskrif maak beplanning op jou slimfoon maklik. Ons wys nie net vir jou die mooiste idees nie, maar ook die diensverskaffers wat jou daarmee kan help.

Troukoors se interaktiewe slim-tydskrif is ’n lees-, kyk- en koop-ervaring, wat heeltemal uniek en anders is as enige ander bruidstydskrif… gerieflik met die druk van ’n knoppie.

Troukoors Magazine Description:

As jy weet wat woorde soos kiekies en boeretroos beteken, sal jy verstaan waarom Troukoors so uniek en spesiaal is vir duisende Suid-Afrikaners! Ons tydskrifte, boeke en blog is ’n waardevolle bron van inspirasie vir moderne bruide. Dit maak nie saak of jy van ’n troubeplanner se dienste gebruik maak, of ons selfdoen-projekte probeer nie - Troukoors is propvol oulike idees, inspirasie en wenke vir elke styl en begroting. Die resepte, inspirasieborde, uitknip-bladsye en stap-vir-stap hulpmiddels maak ons produkte uniek. Met ons hulp sal jy van absoluut niks vergeet, voor of op die dag van die troue, nie.