പദ്മപുരസ്കാരങ്ങൾ

വ്യത്യസ്ത മേഖലകളിൽ മികവ് പുലർത്തുന്നവർക്ക് രാജ്യം നൽകുന്ന ആദരവാണ് പദ്മ പുരസ്കാരങ്ങൾ. റിപബ്ലിക് ദിനം ആഘോഷിക്കുന്ന അവസരത്തിലാണ് സാധാരണയായി പദ്മപുരസ്കാരങ്ങൾ പ്രഖ്യാപിക്കുക. പദ്മ പുരസ്കാരം ലഭിക്കുന്ന മലയാളികളെക്കുറിച്ച് പി.എസ്.സി. പരീക്ഷകളിൽ പതിവായി ചോദ്യങ്ങളുണ്ടാകാറുണ്ട്

ഇന്ത്യയിലെ ഏറ്റവുമുയർന്ന സിവിലിയൻ പുരസ്ക്കാരങ്ങളിൽ പദ്മ ഉൾപ്പെടുന്നവയാണ് അവാർഡുകൾ. പദ്മവിഭൂഷൺ, പദ്മഭൂഷൺ, പദ്മശ്രീ എന്നീ മൂന്ന് വിഭാഗങ്ങളിലായാണ് പദ്മപുരസ്ക്കാരങ്ങൾ നൽകുന്നത്. എല്ലാ വർഷവും റിപ്പബ്ലിക് ദിനത്തോടനുബന്ധിച്ചാണ് പദ്മ പുരസ്ക്കാരങ്ങൾ പ്രഖ്യാപിക്കുന്നത്. മാർച്ച്/ഏപ്രിലിൽ രാഷ്ട്രപതിഭവ നിൽ നടക്കുന്ന ചടങ്ങിൽ രാഷ്ട്രപതി പുരസ്കാരം നൽകും.

 

കല, സോഷ്യൽ വർക്ക്, പബ്ലിക് അഫയേഴ്സ്, സയൻസ് വൈദ്യ ആൻഡ് എൻജിനീയറിങ്, വ്യവസായവും വാണിജ്യവും, ശാസ്ത്രം, സാഹിത്യം, വിദ്യാഭ്യാസം, സ്പോർട്സ്, സിവിൽ സർവീസ് തുടങ്ങിയ മേഖലകളിലെ മികവിനെ മുൻനിർത്തിയാണ് പദ്മപുരസ്ക്കാരങ്ങൾ നൽകുന്നത്. മുകളിൽപ്പറഞ്ഞ മേഖലകളിൽ അസാധാരണമായതും വേറിട്ടതുമായ സംഭാവനകൾ നൽകുന്നവർക്ക് പദ്മവിഭൂഷൺ നൽകും. ഈ മേഖലകളിൽ അസാധാരണമായതും ഉന്നതവുമായ പ്രകടനം കാഴ്ച വയ്ക്കുന്നവർക്ക് നൽകുന്നതാണ് പദ്മഭൂഷൺ. വേറിട്ട പ്രവർത്തനം ഈ മേഖലകളിൽ നടത്തുന്നവർക്കുള്ളതാണ് പദ്മശ്രീ പുരസ്ക്കാരം. 

ഇതുവരെയായി ഏറ്റവും കൂടുതൽ പദ്മവിഭൂഷൺ ജേതാക്കളുണ്ടായിട്ടുള്ളത് പബ്ലിക് അഫയേഴ്സ് മേഖലയിൽ നിന്നാണ്.

1954-ൽ തുടങ്ങിയ പുരസ്കാരം

 ഇന്ത്യൻ രാഷ്ട്രപതി 1954 ജനുവരി രണ്ടിന് പുറപ്പെടുവിച്ച വിജ്ഞാപനത്തിലൂടെ സ്ഥാപിച്ച പുരസ്ക്കാരങ്ങളാണ് ഭാരതരത്ന പദ്മവിഭൂഷൺ എന്നിവ. പദ്മവിഭൂഷൺ പുരസ്ക്കാരത്തെ മൂന്ന് വിഭാഗങ്ങളായി തിരിച്ചിരുന്നു; പഹെലാ വർഗ്, ദൂസാ വർഗ്, തീസാ വർഗ് എന്നിങ്ങനെ. 1955 ജനുവരി എട്ടിലെ രാഷ്ട്രപതിയുടെ വിജ്ഞാപനത്തോടെ പുരസ്ക്കാരങ്ങളുടെ പേരുകൾ യഥാക്രമം പദ്മവിഭൂഷൺ, പദ്മഭൂഷൺ, പദ്മശ്രീ എന്നിങ്ങനെ മാറ്റി.

പരമാവധി ജേതാക്കൾ 120