ആൺകുട്ടികളും പഠിക്കട്ടെ

ഡോ. രാമകൃഷ്ണനെ പോലെ യുജിസി യോഗ്യതയുള്ള ഒരധ്യാപകനെ കലാമണ്ഡലത്തിന്റെ ഫാക്കൽറ്റിയിൽ ഉൾപ്പെടുത്താൻ ഒരു തടസ്സവുമില്ല. പ്രഗത്ഭ മോഹിനിയാട്ടം നർത്തകികളായ പത്മശ്രീ കലാമണ്ഡലം ക്ഷേമാവതി, ഡോ.നീന പ്രസാദ് എന്നിവരടങ്ങിയ കലാമണ്ഡലം ഭരണസമിതി ഉചിതമായ തീരുമാനമെടുക്കുമെന്നു വിശ്വസിക്കാം.

- ഡോ. എൻ.ആർ. ഗ്രാമപ്രകാശ്

ആർ.എൽ.വി രാമകൃഷ്ണനും മോഹിനിയാ ട്ടത്തിനും പൊതുസമൂഹം നൽകിയ പിന്തുണ അഭൂതപൂർവ്വമാണ്. കലാമണ്ഡലത്തിൽ ആൺ കുട്ടികൾക്കു പ്രവേശനം നൽകുന്ന കാര്യം ചർ ച്ചയ്ക്കു വരുമ്പോഴെല്ലാം മുഖം തിരിച്ചിരുന്നവരും അക്കൂട്ടത്തിലുണ്ട്. എല്ലാവരും രാജിയായ നിലയ്ക്ക് അടുത്ത വർഷം മുതൽ കലാമണ്ഡലത്തിലെ മോഹിനിയാട്ടം പ്രവേശനത്തിൽ ആൺകുട്ടികളെയും ഉൾപ്പെടുത്തണം.

മറ്റൊന്നും ഇനി ആലോചിക്കാനില്ല. ഡോ. രാമകൃഷ്ണനെ പോലെ യുജിസി യോഗ്യതയുള്ള ഒരധ്യാപകനെ കലാമണ്ഡലത്തിന്റെ ഫാക്കൽറ്റിയിൽ ഉൾപ്പെടുത്താൻ ഒരു തടസ്സവുമില്ല. പ്രഗത്ഭ മോഹിനിയാട്ടം നർത്തകികളായ പത്മശ്രീ കലാമണ്ഡലം ക്ഷേമാവതി, ഡോ.നീന പ്രസാദ് എന്നിവരടങ്ങിയ കലാമണ്ഡലം ഭരണസമിതി ഉചിതമായ തീരുമാനമെടുക്കുമെന്നു വിശ്വസിക്കാം.