એ ક સમય હતો, જ્યારે રૂમઝૂમ નોરતાં શરૂ થતાં એટલે સ્ત્રીઓને સૌથી પહેલાં સાંભરતી સિલ્વર જ્વેલરી. આભલાં ભરેલાં પરંપરાગત ચણિયા-ચોળી સાથે જૂની ટ્રેડિશનલ ડિઝાઈનનાં હાર, કડાં, ઝૂમકા, કમરપટ્ટો જેવાં આભૂષણને પૉલિશ કરાવવા આપવામાં આવતાં. ગામઠી સ્ટાઈલના । કુરતા પર બુટ્ટી કે ઝૂમકી પહેરવામાં આવતી. સમય બદલાયો ને ચાંદીનાં આભૂષણો દાબડામાં બંધ થયાં. નવી ફૅશન ઑક્સિડાઈઝ્ડ જ્વેલરી આવી, જ્યાં જુઓ ત્યાં ઑક્સિડાઈઝ્ડ સેટ્સ અને માંગ-ટીકા દેખાય.
જો કે છેલ્લા થોડા સમયથી લગનગાળામાં સિલ્વર જ્વેલરીએ પાછું કાઠું કાઢવા માંડ્યું છે. અલબત્ત, નવાં રૂપ-રંગ સાથે. હૅવી સ્ટાઈલ નેકલેસથી લઈ ઈયરિંગ્સ, વીંટી, રજવાડી હાર, કુંદન સેટ, નવ-રત્નજડિત સેટ્સ, કમરપટ્ટા, હેરબેલ્ટ, ચૉકર સેટ, બાજુબંધ, દુલ્હન સેટ જેવી અનેક વરાઈટી ચાંદીમાં જોવા મળે છે. વળી, ઝાઝા ઠઠારાને બદલે એક મોટો, સ્ટેટમેન્ટ જ્વેલરી તરીકે ઓળખાતો દાગીનો પણ ચાલમાં છે.
આ વિશે ચિત્રલેખા સાથે વાત કરતાં અમદાવાદની મિસોરી સિલ્વર શૉપનાંઅલ્પા અગ્રવાલ કહે છે: ‘હાલ વેડિંગમાં સિલ્વર જ્વેલરીની ડિમાન્ડ નીકળવાનું એક કારણ એ છે કે હવે આવી જ્વેલરીમાં અનેક પ્રકારની નવી વરાઈટી આવી છે. ખાસ કરીને ડેસ્ટિનેશન વેડિંગ માટે સિલ્વર જ્વેલરીની ડિમાન્ડ વધુ રહે છે. લગનગાળામાં પસંદ કરવામાં આવતી સિલ્વર જ્વેલરીને હેરિટેજ જ્વેલરી અર્થાત્ પરંપરાગત ઘરેણાં તરીકે પણ ઓળખવામાં આવે છે. અત્યારની દુલ્હન પોતાનાં લગ્નમાં જરા હટકે અંદાજ પસંદ કરે છે. પરિધાનથી લઈને જ્વેલરીમાં એને જાતજાતના વિકલ્પ જોઈએ છે. અમારે ત્યાં સૌથી વધુ જુદા જુદા પ્રકારના સ્ટોન, ગોલ્ડ, સિલ્વરને મિક્સ કરીને બનતા અને ફ્યુઝન જ્વેલરી તરીકે ઓળખાતા દાગીનાની અને સિલ્વર-બેઝ કુંદન જ્વેલરીની ડિમાન્ડ છે. આ ઉપરાંત, સિલ્વર જ્વેલરીમાં ઍનિમલ અને બર્ડ્સની ડિઝાઈન પણ ખૂબ ચાલે છે. સિલ્વર જ્વેલરીનો રૉયલ લુક ખાસ કરીને જયપુરમાં તૈયાર થાય છે, જેને કારણે એમાંથી રજવાડી ઠાઠ ઝળકે છે. ગુજરાતની વાત કરીએ તો, રાજકોટમાં બનતી સિલ્વર જ્વેલરી લોકોને વધુ આકર્ષે છે.
This story is from the February 05, 2024 edition of Chitralekha Gujarati.
Start your 7-day Magzter GOLD free trial to access thousands of curated premium stories, and 8,500+ magazines and newspapers.
Already a subscriber ? Sign In
This story is from the February 05, 2024 edition of Chitralekha Gujarati.
Start your 7-day Magzter GOLD free trial to access thousands of curated premium stories, and 8,500+ magazines and newspapers.
Already a subscriber? Sign In
જીએસટીનું કલેક્શન વધે છે... વેપાર-ઉદ્યોગમાં ફ્રસ્ટ્રેશન વધે છે!
નવા નાણાકીય વરસના પહેલા મહિનામાં જીએસટીનું કલેક્શન બે લાખ કરોડ રૂપિયાની ઉપર પહોંચી જવાનાં ગુણગાન ભલે ગવાયાં, પરંતુ આ ટૅક્સ પાછળની દાસ્તાન કંઈક અંશે કરુણ બનતી જાય છે. કહેવાય છે કે અત્યારની મોંઘવારીમાં જીએસટીના બોજનો ફાળો પણ છે. મોટા ભાગની પ્રજા આ વેરાના બોજ હેઠળ દબાઈ રહી છે. સરકારે આ વિષયમાં વ્યવહારદક્ષતા દાખવવાની જરૂર છે.
ઝનૂની પ્રેમ સાચો નથી...સાચા પ્રેમમાં પરમાર્થ હોય!
સ્વાર્થી પ્રેમ ઑથોરિટેરિયન, બિન-લોકતાંત્રિક અને બેરહેમ છે. એનો સંહાર એના સર્જન કરતાંય ગજબનો છે. એ ગરજે ઉદાર થાય છે અને જીદ પડે મરવા કે મારી નાખવાની નિર્દયતા સુધી જાય છે. આવો આવેશાત્મક પ્રેમ અસ્થિર અને ક્ષણિક હોય છે. એ ડ્રગ્સ જેવી મદહોશી પૂરી પાડે છે, પણ એની આવરદા ટૂંકી હોય છે.
બર્ન વિક્ટિમનો હાથ ઝાલે છે સ્કિન બૅન્ક
દાઝ્યા પર બામ... અંગદાનની જેમ ચામડીનું દાન પણ અનેક દરદીને નવજીવન આપે એ હકીકત વિશે જાગરૂકતા ધીરે ધીરે આવી રહી છે એની સાબિતી છે ગુજરાતની ત્રણ ત્વચા બૅન્ક.
ગર્ભનાળ સેવાની... ગર્ભનાળ શૈશવની...
માતાએ મુંબઈ-અમદાવાદથી ભાવનગર આવી બાળપ્રવૃત્તિની અહાલેક જગાવી તો દીકરીએ ભાવનગરથી બહાર નીકળી છેક ડેડિયાપાડામાં આદિવાસી બાળકો માટે ધૂણી ધખાવી
માતા-પુત્રીના માધ્યમથી હજારો ઘરમાં ગુંજી કિલકારી
માના સંઘર્ષને પોતાનો સંઘર્ષ બનાવી દીકરીએ એની જેમ સફળતાની કેડી કંડારી... અને હવે સેવા તથા સ્વાસ્થ્ય-સમજણ માટે પણ એ જ રસ્તો અપનાવ્યો છે.
આ રાજા તો બહુ ગુણવાન છે!
ઉનાળામાં અમૃત ફળ તો ખાવાનું જ હોય, પણ એનાં ફાયદા અને જોખમ પણ જાણી લો તો કેરી વધુ સ્વાદિષ્ટ લાગશે.
ચલ મેરે ઘોડે ટિક ટિકટિક...
નાનપણમાં મુંબઈના દરિયાકિનારે ઘોડેસવારી કરતાં કરતાં એને અશ્વો સાથે જાણે પ્રેમ થઈ ગયો. વર્ષો પછી અને લગ્ન પછી અનાયાસ એક ઘોડો પાળવાનું નક્કી કર્યું. એક પછી એક કરતાં આજે બાર ઘોડા એમના સ્ટડમાં છે. આપણે ત્યાં અશ્વના માલિક, સંવર્ધક અને ટ્રેનર કોઈ સ્ત્રી હોય એવું જ્વલ્લે જ સાંભળવા મળે. જામનગરનાં આ મહિલા છે એમાંનાં એક.
સંઘર્ષની તાવડીમાં શેકાઈને સંતાનોને પીરસ્યાં સુખી જીવન...
આયુષ્યની ત્રીશીની સાંજે એકાએક વૈધવ્ય આવી પડ્યું. હિંમત હાર્યા વિના એમણે ઘરોઘર જાતજાતની ચીજવસ્તુ વેચવાથી માંડીને લગ્નોમાં ફડ સર્વ કરવા જેવી કામગીરી બજાવીને એકલે હાથે સંતાનોને ભણાવ્યાં, એમને એક મુકામ પર પહોંચાડ્યાં.
કવર સ્ટોરી
જન્મદાત્રી-પુત્રીની જોડી કમાલની...
ગઢ સચવાશે કે પડશે ગાબડું?
કોંગ્રેસનો કિલ્લો ગણાતા રાયબરેલીમાં રાહુલ ગાંધી જીતશે કે પછી ભાજપના સ્થાનિક ઉમેદવાર દિનેશસિંહ જાયન્ટ કિલર બનશે એ પ્રશ્ન દેશઆખામાં સૌના મોઢે છે. આઝાદ ભારતની પ્રથમ ચૂંટણીથી કોંગ્રેસે બે અપવાદ બાદ કરતાં અહીં ભવ્ય વિજય મેળવ્યા છે. ખાસ કરીને ગાંધીપરિવારે. આવા સંજોગોમાં રાયબરેલીને કોંગ્રેસે શું આપ્યું, શું ન આપ્યું જેવા સવાલોના જવાબ રાયબરેલીના સ્થાનિકો પાસેથી જ મેળવવા પડે.