રાજકાજ

કર્ણાટકમાં પ્રજ્વલ રેવન્નાનું સેક્સ કાંડ : ભાજપ માટે સંકટ

ભૂતપૂર્વ વડાપ્રધાન એચ.ડી. દેવગૌડાના પૌત્ર પ્રજ્વલ રેવન્નાના સેક્સ કાંડે ચૂંટણીના માહોલમાં એક અલગ જ પ્રકારની ઉત્તેજના જન્માવી છે. રસપ્રદ વાત એ છે કે એક તરફ કર્ણાટકની કોંગ્રેસી રાજ્ય સરકારે તેમની સામે એસઆઇટી દ્વારા તપાસની જાહેરાત કરી એ જ સમયે તેઓ દેશ છોડીને જર્મની ચાલ્યા ગયા છે. તેમને આવી તપાસની પૂર્વ સૂચના મળી ગઈ હોય એવું બની શકે છે.

કેમ કે તેમની સામે યૌન શોષણના આરોપ સાથેની એફઆઈઆર નોંધાઈ ચૂકી હતી અને આ ફરિયાદ તેમના ઘરે કામ કરનાર મહિલાએ જ કરી છે. સેક્સ કાંડના ગંભીર આરોપોને પગલે દેશભરમાં ભારે ઊહાપોહ થતાં આખરે જનતા દળ (એસ) દ્વારા તેમને પક્ષમાંથી સસ્પેન્ડ કરવામાં આવ્યા છે. આ જનતા

દળ (એસ) પણ પરિવારવાદી પક્ષ જ છે અને એચ.ડી. દેવગૌડા તેના સર્વેસર્વા છે. એટલે સ્વાભાવિક છે કે તેમને ચોતરફના દબાણને વશ થઈને મજબૂરીમાં પૌત્રને પક્ષમાંથી સસ્પેન્ડ કરવાનું પગલું લેવું પડ્યું હશે. જનતા દળ (એસ) એનડીએમાં સામેલ છે અને ભાજપનો સહયોગી પક્ષ છે, એટલે કર્ણાટકમાં ની ભાજપની સંભાવનાઓ પર પણ તેની .