ചതിക്കില്ല ചന്ദനം

മികച്ച നിക്ഷേപമായി മാറും ചന്ദനകൃഷി

കേരളത്തിലെവിടെ വളരുന്നതായാലും ചന്ദനത്തിന്റെ പൂർണ അവകാശം സർക്കാരിനാണ്. അതുകൊണ്ടുതന്നെ ചന്ദനമരം മുറിക്കുന്നതും ഒരിടത്തുനിന്ന് മറ്റൊരിടത്തേക്കു കൊണ്ടുപോകുന്നതും വിൽ ക്കുന്നതും വനം വകുപ്പു വഴി മാത്രമായിരിക്കണമെന്ന് സർക്കാർ അനുശാസിക്കുന്നു. ചന്ദനമരവുമായി ബന്ധപ്പെട്ട നിയമത്തിന്റെ ഈ ആദ്യ ഭാഗം വായിക്കുമ്പോഴേ പലരും പിന്തിരിയും. ചന്ദനം വളർത്തിയാൽ അകത്താകുമെന്നും മുറിക്കുന്ന കാലത്ത് കിട്ടുന്ന വിലയിൽ നല്ല പങ്കും സർക്കാർ കൊണ്ടുപോകുമെന്നും കരുതുന്നവർ കുറവല്ല. എന്നാൽ, ഈ ആശങ്കകൾക്കൊന്നും ഇപ്പോൾ അടിസ്ഥാനമില്ല. 2012 ഭേദഗതി നിയമപ്രകാരം ചന്ദനക്കുഷിയുമായി ബന്ധപ്പെട്ട നിയമങ്ങൾ ഉദാരമാക്കുകയും സംസ്ഥാനത്ത് ആർക്കും തടസ്സങ്ങളില്ലാതെ കൃഷി ചെയ്യാനുള്ള പ്രോത്സാഹനം നൽകുകയും ചെയ്യുന്നുണ്ട്.